واٹس ایپ، دنیا کا سب سے مقبول میسجنگ پلیٹ فارم، نے اپنے صارفین کے لیے کئی نئے فیچرز متعارف کرانے کا اعلان کیا ہے جو آئندہ چند ہفتوں میں سب کو دستیاب ہوں گے۔
نئے فیچرز میں سب سے نمایاں لائیو اینڈ موشن فوٹوز ہیں۔ آئی فون صارفین کے لیے یہ “لائیو فوٹوز” جبکہ اینڈرائیڈ صارفین کے لیے “موشن فوٹوز” کہلائیں گے۔ اس کے ذریعے صارفین تصویر لیتے ہوئے مختصر آڈیو یا ویڈیو کلپ بھی ریکارڈ کرکے بھیج سکیں گے۔ واٹس ایپ میں میٹا اے آئی کے کردار کو وسعت دی جا رہی ہے۔ اب صارفین اپنی چیٹس کے لیے پرسنلائزڈ تھیمز اور ویڈیو کالز یا چیٹس میں شیئر کیے جانے والے میڈیا کے لیے منفرد بیک گراؤنڈز تخلیق کرسکیں گے۔ ان فیچرز کے نام بالترتیب “چیٹ تھیمز ود میٹا اے آئی” اور “بیک گراؤنڈ ود میٹا اے آئی” رکھے گئے ہیں۔
اس کے علاوہ، اسٹیکرز پسند کرنے والوں کے لیے واٹس ایپ نے نئے اسٹیکر پیکس متعارف کرائے ہیں جن میں “فیئر لیس برڈ”، “اسکول ڈیز” اور “ویکیشن” شامل ہیں۔ ایک اور اہم اضافہ گروپ سرچ فیچر ہے۔ اس کے ذریعے صارفین کسی دوست کا نام سرچ کریں گے تو وہ تمام گروپس سامنے آ جائیں گے جن میں وہ اور وہ دوست شامل ہوں گے، یوں طویل لسٹ میں اسکرولنگ کی ضرورت نہیں رہے گی۔ آخر میں، اینڈرائیڈ صارفین کے لیے ایک نیا فیچر متعارف کرایا گیا ہے جس کے تحت وہ واٹس ایپ کے اندر ہی دستاویزات اسکین کرسکیں گے۔ یہ سہولت پہلے سے ہی آئی او ایس صارفین کے پاس موجود تھی۔
تازہ ترین خبروں کے لیے پی این آئی کا فیس بک پیج فالو کریں
