ایلون مسک کی کمپنی اسپیس ایکس کے تحت چلنے والی سیٹلائٹ انٹرنیٹ سروس اسٹار لنک ایک بار پھر بندش کا شکار ہوگئی۔
غیر ملکی خبر ایجنسی کے مطابق پیر کے روز اسٹار لنک نے اپنی ویب سائٹ پر پیغام جاری کیا کہ سروس میں خلل پیدا ہوا ہے، تاہم کمپنی نے بندش کی وجہ سے متعلق تفصیلات فراہم نہیں کیں۔ آن لائن ٹریکنگ پلیٹ فارم ڈاؤن ڈیٹیکٹر کے مطابق امریکا میں تقریباً 43 ہزار صارفین اس متاثرہ سروس کے باعث انٹرنیٹ استعمال میں مشکلات کا سامنا کر رہے ہیں۔
واضح رہے کہ اس سے قبل جولائی میں بھی اسٹار لنک کو بڑی بندش کا سامنا کرنا پڑا تھا، جس کے بعد ایلون مسک اور کمپنی کے سینئر عہدیداروں نے صارفین سے معذرت کی تھی۔
تازہ ترین خبروں کے لیے پی این آئی کا فیس بک پیج فالو کریں
