شارجہ میں جاری سہ ملکی سیریز کے دوران شائقین کرکٹ کے لیے نئے پروٹوکول نافذ کر دیے گئے ہیں۔
حکام کے مطابق شائقین اپنی ٹیم کی بھرپور حمایت کرسکتے ہیں لیکن مخالف ٹیم کے خلاف نعرے بازی یا اشاروں سے گریز کریں۔ تماشائیوں کو ہدایت کی گئی ہے کہ اپنی نشستوں پر بیٹھے رہیں، دوسرے اسٹینڈ میں منتقل نہ ہوں، کھیل کے دوران بھاگ دوڑ اور بے نظمی سے اجتناب کریں اور دوسروں کا احترام ملحوظ رکھیں۔ مزید یہ کہ شائقین کو مشورہ دیا گیا ہے کہ اماراتی قوانین کا احترام کریں اور کھیل کی روح کو برقرار رکھیں۔
یاد رہے کہ سہ ملکی سیریز کے دوسرے ٹی 20 میچ میں پاکستان نے متحدہ عرب امارات کو 31 رنز سے شکست دی تھی۔ شارجہ میں کھیلے گئے میچ میں پاکستان نے 208 رنز کا ہدف دیا، جس کے تعاقب میں یو اے ای کی ٹیم 20 اوورز میں 8 وکٹوں پر 176 رنز ہی بناسکی۔
تازہ ترین خبروں کے لیے پی این آئی کا فیس بک پیج فالو کریں
