ویب ڈیسک: امریکی شطرنج کے مشہور گرینڈ ماسٹر اور آن لائن ٹرینر ڈینیئل ناروڈٹسکی 29 سال کی عمر میں اچانک وفات پا گئے ہیں۔
ان کے خاندان نے یہ خبر شارلٹ چیس سینٹر کے ذریعے جاری کی۔ خاندان نے بیان میں کہا کہ ڈینیئل ایک باصلاحیت شطرنج کھلاڑی، تبصرہ نگار اور استاد تھے، اور شطرنج کی کمیونٹی کے ایک عزیز رکن تھے۔ کیلیفورنیا میں 1995 میں پیدا ہونے والے ناروڈٹسکی نے کم عمری میں عالمی یوتھ چیمپیئن کا اعزاز حاصل کیا اور 2013 میں گرینڈ ماسٹر کا ٹائٹل حاصل کیا۔
ٹک ٹاک نے 3 ماہ کے دوران پاکستانی صارفین کی ڈھائی کروڑ سے زائد ویڈیوز ڈیلیٹ کردیں
وہ نہ صرف ایک شاندار کھلاڑی تھے، جیسا کہ پچھلے سال عالمی بلیٹز چیمپیئن شپ میں نویں پوزیشن سے ظاہر ہوتا ہے، بلکہ ایک مقبول آن لائن شخصیت بھی تھے، جو Twitch اور YouTube جیسے پلیٹ فارمز پر شطرنج سکھانے اور لائیو میچز کھیلنے کے لیے جانے جاتے تھے۔
ان کے انتقال پر دنیا بھر سے خراجِ تحسین پیش کیے گئے۔ امریکی کھلاڑی ہیکارو ناکامورا نے کہا کہ میں دل شکستہ ہوں، یہ شطرنج کی دنیا کے لیے ایک بہت بڑا نقصان ہے۔ اگرچہ ڈینیئل ناروڈٹسکی کے خاندان نے ان کی موت کی کوئی وجہ نہیں بتائی لیکن روسی گرینڈ ماسٹر ولادیمیر کرامنک کے بیانات نے شطرنج کی دنیا میں ایک نیا تنازع کھڑا کر دیا ہے۔
لاہور میں 290 ٹریفک حادثات؛352 افراد زخمی
کرامنک نے 2024 میں ناروڈٹسکی پر آن لائن میچز کے دوران دھوکہ دہی کا الزام لگایا تھا، جسے ناروڈٹسکی نے سختی سے مسترد کیا اور کرامنک کو “کیچڑ سے بھی بدتر” کہا تھا۔ اب کرامنک نے ڈینیئل ناروڈٹسکی کو درپیش ذہنی صحت کے مسائل، منشیات کے استعمال، اور ان کی موت کے پیچھے شطرنج مافیا کی ممکنہ سازش کے اشارے دیتے ہوئے کہا کہ ان کے دوستوں نے ان کی حالت کو چھپایا۔
انہوں نے ڈینیئل ناروڈٹسکی کی موت کی مکمل تحقیقات کا مطالبہ کیا ہے۔
دہشت گردی کے مکمل خاتمے تک کارروائیاں جاری رہیں گی; فیلڈ مارشل عاصم منیر
کرامنک کے ان بیانات پر شدید ردِعمل سامنے آیا ہے، کئی لوگوں نے انہیں ‘دھونس جمانے والا’ قرار دیا ہے، جبکہ کچھ نے کہا کہ وہ صرف خدشات کا اظہار کر رہے تھے۔ ایک سوشل میڈیا صارف نے لکھاکہ کرامنک ہر بار اپنی زبان کھول کر خود کو مزید شرمندہ کرتے ہیں۔ وہ ناروڈٹسکی پر صرف اس لیے چیٹنگ کا الزام لگاتے تھے کیونکہ وہ ان سے ہار جاتے تھے، جبکہ ڈینیئل ہمیشہ سے بلیٹز جینئیس تھے۔
شیئر کریں:
تازہ ترین خبروں کے لیے پی این آئی کا فیس بک پیج فالو کریں
