کراچی: انٹرمیڈیٹ حصہ اول، سائنس جنرل گروپ کے سالانہ امتحانات 2025ء کے نتائج کا اعلان کر دیا گیا ہے۔
چیئرمین اعلیٰ ثانوی تعلیمی بورڈ کراچی، فقیر محمد لاکھو نے انٹربورڈ کراچی کے کمیٹی روم میں منعقدہ تقریب میں نتائج کا اعلان کیا۔ اس موقع پر حکومت سندھ کے اسپیشل سیکرٹری سہیل انور بلوچ بھی موجود تھے۔
ناظم امتحانات، زرینہ راشد کے مطابق، 19,212 امیدواروں نے رجسٹریشن کرائی، جن میں سے 18,813 نے امتحانات میں حصہ لیا۔
تمام 6 پرچوں میں کامیاب: 9,678
5 پرچوں میں کامیاب: 3,542
4 پرچوں میں کامیاب: 2,353
3 پرچوں میں کامیاب: 1,405
2 پرچوں میں کامیاب: 860
1 پرچے میں کامیاب: 580
چیئرمین فقیر محمد لاکھو نے بتایا کہ انٹربورڈ کراچی کی تاریخ میں پہلی بار سائنس جنرل گروپ کے ریاضی کے پرچے کی جانچ ای مارکنگ کے ذریعے کی گئی، جس میں جدید Rubrics سسٹم استعمال کیا گیا تاکہ شفافیت، درستگی اور معیار کو یقینی بنایا جا سکے۔ انہوں نے مزید کہا کہ بورڈ امتحانی نظام کو جدید خطوط پر استوار کرنے کے لیے مسلسل اقدامات کر رہا ہے اور آئندہ سال 2026 کے امتحانات میں مزید پرچوں کی جانچ بھی ای مارکنگ کے تحت کی جائے گی۔
تازہ ترین خبروں کے لیے پی این آئی کا فیس بک پیج فالو کریں
