خیبر پختونخوا کے ضلع ٹانک میں نامعلوم مسلح افراد نے گرلز پرائمری اسکول کو بم دھماکے سے تباہ کر دیا۔
ڈسٹرکٹ پولیس آفیسر شبیر حسین شاہ کے مطابق واقعہ ٹانک کے نواحی علاقے گرہ بڈھا میں پیش آیا، جہاں نامعلوم افراد نے اسکول کی عمارت میں بم نصب کیا جو گزشتہ شب زوردار دھماکے سے پھٹ گیا۔ دھماکے کی آواز دور دور تک سنی گئی، جس سے اسکول کی عمارت مکمل طور پر تباہ ہوگئی۔
علاقے کے عمائدین کا کہنا ہے کہ ضلع میں امن و امان کی صورتحال انتہائی خراب ہو چکی ہے اور شہریوں کی جان و مال محفوظ نہیں رہی۔ بتایا گیا ہے کہ اس سے قبل بھی ضلع کے مختلف علاقوں میں تعلیمی اداروں کو نشانہ بنایا جا چکا ہے۔
تازہ ترین خبروں کے لیے پی این آئی کا فیس بک پیج فالو کریں
