کوئٹہ کے علاقے ہزار گنجی میں اتوار کے روز نامعلوم افراد نے ایک نجی دفتر پر دستی بم سے حملہ کیا جس کے نتیجے میں دفتر کے تین ملازمین شدید زخمی ہو گئے۔
واقعے کے بعد پولیس اور قانون نافذ کرنے والے اداروں کی ٹیمیں فوری طور پر موقع پر پہنچ گئیں، علاقے کو گھیرے میں لے کر شواہد اکٹھے کیے گئے جبکہ زخمیوں کو قریبی ہسپتال منتقل کر کے ابتدائی طبی امداد دی گئی۔
کوئٹہ کے علاقے ہزار گنجی میں دستی بم حملہ چند ہفتے قبل مارگٹ میں سیکیورٹی فورسز پر ہونے والے مہلک بم دھماکے کے بعد پیش آیا ہے جس میں فرنٹیئر کانسٹیبلری کے چار اہلکار شہید اور تین زخمی ہوئے تھے۔
فروری دو ہزار پچیس میں پیش آنے والے اس واقعے میں سیکیورٹی اہلکار ایک دیسی ساختہ بم کو ناکارہ بنانے کی کوشش کر رہے تھے جب انہیں نشانہ بنایا گیا، شہید ہونے والوں میں صوبیدار شہزاد امین، نائب صوبیدار عباس، سپاہی خلیل اور سپاہی زاہد شامل تھے۔
تازہ ترین خبروں کے لیے پی این آئی کا فیس بک پیج فالو کریں
