لاہور اور فیصل آباد سے کراچی، کوئٹہ اور راولپنڈی سمیت دیگر شہروں کے لیے ٹرینوں کے تازہ شیڈول کا اعلان کیا گیا ہے۔ قراقرم ایکسپریس کراچی کے لیے سہ پہر تین بجے کے بجائے دو گھنٹے پندرہ منٹ کی تاخیر سے شام پانچ بج کر پندرہ منٹ پر لاہور سے روانہ ہوگی۔
پاک بزنس ایکسپریس چار بج کر تیس منٹ کی بجائے دو گھنٹے تیس منٹ تاخیر سے سات بجے لاہور سے روانہ ہوگی۔ کراچی ایکسپریس اپنے مقررہ وقت شام چھ بجے لاہور سے چلے گی، جبکہ شاہ حسین ایکسپریس کے مسافروں کو گرین لائن ٹرین میں منتقل کیا جائے گا۔
گرین لائن ٹرین رات آٹھ بج کر چالیس منٹ پر لاہور سے روانہ ہوگی۔ شاہ حسین ایکسپریس کے مسافروں سے درخواست کی گئی ہے کہ وہ گرین لائن کی روانگی سے ایک گھنٹہ قبل اسٹیشن پر پہنچ جائیں۔ دیگر تمام ٹرینیں اپنے معمول کے شیڈول کے مطابق چل رہی ہیں۔ مزید معلومات کے لیے ریلوے انکوائری نمبر 117-042 اور 99070011-042 پر رابطہ کیا جا سکتا ہے۔
تازہ ترین خبروں کے لیے پی این آئی کا فیس بک پیج فالو کریں
