امریکی حکومت نے ایک نئے فیصلے کے تحت موٹاپے اور ذیابیطس کے مریض غیر ملکیوں کو ویزا نہ دینے کا اعلان کیا ہے۔
امریکی محکمہ خارجہ کی جانب سے دنیا بھر میں موجود امریکی سفارت خانوں کو جاری مراسلے میں ہدایت کی گئی ہے کہ ان بیماریوں میں مبتلا افراد کی ویزا درخواستیں مسترد کر دی جائیں۔
حکومت کے مطابق یہ اقدام عوامی صحت کے خطرات کو کم کرنے اور امریکا کے قومی مفاد کے تحفظ کے لیے کیا گیا ہے۔
نئی پالیسی کے تحت وہ افراد زیادہ متاثر ہوں گے جو موٹاپے یا ذیابیطس کی وجہ سے امریکا کے مقررہ طبی معیارات پر پورا نہیں اترتے۔
دوسری جانب، ناقدین نے اس فیصلے کو امیگریشن پالیسی میں امتیازی رویے کی ایک نئی مثال قرار دیا ہے اور کہا ہے کہ یہ اقدام انسانی حقوق کی خلاف ورزی کے مترادف ہے۔
ابھی تک امریکی حکام نے اس قانون کے نفاذ کی حتمی تاریخ یا اس کے مزید اثرات سے متعلق کوئی وضاحت نہیں دی۔
تازہ ترین خبروں کے لیے پی این آئی کا فیس بک پیج فالو کریں
