محکمہ لائیو اسٹاک پنجاب سے تعلق رکھنے والے ڈاکٹر اعظم علی کی ترقی سے متعلق کیس کی سماعت کے دوران جسٹس منصور علی شاہ اور جسٹس عقیل عباسی پر مشتمل 2 رکنی بینچ نے دلچسپ ریمارکس دیے۔
درخواست گزار کے وکیل نے موقف اختیار کیا کہ میرے موکل کو نظرانداز کر کے جونیئر افسران کو ترقی دی گئی۔ جس پر جسٹس منصور علی شاہ نے کہا: “دستاویزات دکھائیں کہ جونیئرز کو ترقی دی گئی اور آپ کے موکل کو نظر انداز کیا گیا۔ اگر واقعی کوئی بہت مشکل سوال ہو تو ہم وفاقی آئینی عدالت بھیج دیتے ہیں۔ ویسے ہم تو بیچارے ایسے ہی ہیں یہاں۔” جسٹس منصور علی شاہ کے اس ریمارکس پر عدالت کے کمرے میں قہقہے گونج اٹھے۔ آخرکار سپریم کورٹ نے درخواست مسترد کر دی۔
تازہ ترین خبروں کے لیے پی این آئی کا فیس بک پیج فالو کریں
