طورخم: 20 روز کی بندش کے بعد طورخم سرحدی گزرگاہ غیر قانونی طور پر مقیم افغان شہریوں کی وطن واپسی کے لیے دوبارہ کھول دی گئی ہے۔
ضلعی انتظامیہ کے مطابق ملک بھر سے بے دخلی کے عمل کے تحت سینکڑوں افغان پناہ گزین اپنے سامان کے ساتھ طورخم سرحد پہنچ گئے ہیں، جہاں امیگریشن عملہ ضروری کارروائی کے بعد انہیں افغانستان جانے کی اجازت دے رہا ہے۔ ڈپٹی کمشنر ضلع خیبر بلال شاہد نے بتایا کہ گزرگاہ صرف افغان شہریوں کی واپسی کے لیے کھولی گئی ہے، جبکہ تجارت اور عام آمدورفت تاحکمِ ثانی معطل رہے گی۔
یاد رہے کہ 11 اکتوبر کو پاک افغان کشیدگی کے باعث طورخم سرحد ہرقسم کی آمدورفت کے لیے بند کردی گئی تھی۔ اقوام متحدہ کے ادارہ برائے پناہ گزین (یو این ایچ سی آر) کے ترجمان قیصر خان آفریدی کے مطابق 8 اکتوبر تک 6 لاکھ 15 ہزار غیر قانونی افغان باشندوں کو طورخم کے راستے واپس افغانستان بھیجا جا چکا ہے۔
تازہ ترین خبروں کے لیے پی این آئی کا فیس بک پیج فالو کریں
