گوجرانوالہ : حافظ آباد روڈ پر قلعہ دیوان سنگھ کے قریب تیز رفتار ٹرک اور کیری ڈبے کے درمیان خوفناک تصادم میں ایک ہی خاندان کے 5 افراد جاں بحق جبکہ 4 زخمی ہوگئے۔
ریسکیو 1122 کے مطابق جاں بحق ہونے والوں میں 3 مرد اور 2 خواتین شامل ہیں جن کی شناخت امجد، جبران، اذان، رخسانہ اور نسرین کے ناموں سے ہوئی ہے۔ حادثے کے بعد ریسکیو ٹیموں نے لاشوں اور زخمیوں کو فوری طور پر ڈسٹرکٹ ہیڈ کوارٹر اسپتال منتقل کیا۔ ادھر کمالیہ میں رجانہ روڈ پر ملتان سے لاہور جانے والی ڈبل کیبن گاڑی سامنے سے آنے والے سبزی کے ٹرک سے ٹکرا گئی، حادثے میں 2 بچوں سمیت 4 افراد جاں بحق اور 10 زخمی ہوئے۔
وزیر اعلیٰ پنجاب مریم نواز نے گوجرانوالہ اور کمالیہ کے ان افسوسناک حادثات میں قیمتی جانوں کے ضیاع پر گہرے دکھ کا اظہار کرتے ہوئے سوگوار خاندانوں سے ہمدردی اور تعزیت کی۔
تازہ ترین خبروں کے لیے پی این آئی کا فیس بک پیج فالو کریں
