اسلام آباد: عدالت نے شراب اور اسلحہ برآمدگی کیس میں سابق وزیراعلیٰ خیبر پختونخوا علی امین گنڈا پور کو گرفتار کرکے پیش کرنے کا حکم دے دیا۔
تفصیلات کے مطابق ڈسٹرکٹ اینڈ سیشن کورٹس اسلام آباد میں شراب اور اسلحہ برآمدگی کیس کی سماعت ہوئی، جس کی صدارت جوڈیشل مجسٹریٹ مبشر حسن چشتی نے کی۔
عدالتی کارروائی کے دوران علی امین گنڈا پور ایک بار پھر پیش نہیں ہوئے، جس پر عدالت نے برہمی کا اظہار کرتے ہوئے ان کے ناقابلِ ضمانت وارنٹ گرفتاری جاری کر دیے۔
عدالت نے حکم دیا کہ سابق وزیراعلیٰ کو گرفتار کرکے آئندہ سماعت پر پیش کیا جائے۔ ذرائع کے مطابق علی امین گنڈا پور کی مسلسل غیر حاضری کے باعث یہ فیصلہ کیا گیا۔
عدالت نے کیس کی مزید سماعت 28 اکتوبر تک ملتوی کر دی ہے۔
یاد رہے کہ سابق وزیراعلیٰ کے خلاف تھانہ بارہ کہو میں شراب اور اسلحہ برآمدگی سے متعلق مقدمہ درج ہے۔
تازہ ترین خبروں کے لیے پی این آئی کا فیس بک پیج فالو کریں
