اسلام آباد: پاکستانی نوجوانوں کے لیے بڑی خوشخبری، حکومت نے فری لانسنگ، ای کامرس اور سافٹ ویئر ڈویلپمنٹ کے شعبوں میں سہولیات فراہم کرنے کے لیے نیا آئی ٹی پروگرام شروع کرنے کا اعلان کر دیا۔
تفصیلات کے مطابق وزیراعظم شہباز شریف آج اس پروگرام کا باضابطہ افتتاح کریں گے۔ اس منصوبے کا مقصد ملک میں جدید ٹیکنالوجی کی بنیاد پر ترقی اور ڈیجیٹل معیشت کا فروغ ہے۔
وزیراعظم کے وژن کے تحت پاکستان کو خطے میں آئی ٹی کی ابھرتی ہوئی معیشت کے طور پر نمایاں کرنے کی حکمتِ عملی اپنائی گئی ہے۔ پروگرام نوجوانوں کو ڈیجیٹل مہارتوں سے آراستہ کرنے اور آئی ٹی انڈسٹری کے لیے سازگار ماحول پیدا کرنے میں اہم کردار ادا کرے گا۔
اسلام آباد میں ہونے والی افتتاحی تقریب میں وفاقی وزراء، آئی ٹی ماہرین اور اسٹارٹ اپ نمائندگان شریک ہوں گے، جہاں وزیراعظم ڈیجیٹل پاکستان کے وژن پر روشنی ڈالیں گے۔
ذرائع کے مطابق اس پروگرام کے ذریعے فری لانسنگ، ای کامرس اور سافٹ ویئر ڈویلپمنٹ کے شعبوں میں سہولیات فراہم کی جائیں گی، جس سے نوجوانوں کے لیے روزگار کے نئے مواقع پیدا ہوں گے۔
حکومت کا کہنا ہے کہ آئی ٹی کے فروغ کے ذریعے قومی معیشت کو مضبوط بنیاد فراہم کی جائے گی، جبکہ وزیراعظم کی ہدایت پر آئی ٹی انڈسٹری کے فروغ کے لیے جامع پالیسی فریم ورک بھی تیار کیا گیا ہے۔ یہ اقدام ڈیجیٹل پاکستان وژن کے اہداف کی تکمیل کی سمت ایک اہم سنگ میل سمجھا جا رہا ہے۔
تازہ ترین خبروں کے لیے پی این آئی کا فیس بک پیج فالو کریں
