راولپنڈی: انسدادِ دہشتگردی عدالت نے سابق وزیراعظم عمران خان کی ہمشیرہ علیمہ خان کی مسلسل عدم حاضری پر ناقابلِ ضمانت وارنٹ گرفتاری جاری کر دیے۔
انسدادِ دہشتگردی عدالت کے جج امجد علی شاہ نے 26 نومبر کے احتجاج سے متعلق مقدمات کی سماعت کی، جس میں علیمہ خان سمیت 11 ملزمان نامزد ہیں۔ علیمہ خان کے علاوہ دیگر 10 ملزمان عدالت میں پیش ہوئے، جبکہ استغاثہ کے پانچ گواہان بھی مالِ مقدمہ سمیت پیش ہوئے۔ عدالت نے علیمہ خان کی غیر حاضری پر تیسری بار ناقابلِ ضمانت وارنٹ گرفتاری جاری کرتے ہوئے پولیس کو ہدایت دی کہ انہیں گرفتار کر کے 22 اکتوبر کو عدالت میں پیش کیا جائے۔
اس کے ساتھ ہی عدالت نے علیمہ خان کے ضامن عمر شریف کے بھی ناقابلِ ضمانت وارنٹ گرفتاری جاری کیے اور ان کی جائیداد سے متعلق دستاویزات کی تصدیق کے لیے ڈپٹی کمشنر راولپنڈی کو ہدایات جاری کر دیں۔
تازہ ترین خبروں کے لیے پی این آئی کا فیس بک پیج فالو کریں
