اسلام آباد: انسدادِ دہشت گردی عدالت نے تحریک انصاف کے وکلا کے وارنٹ گرفتاری جاری کر دیے۔
جج طاہر عباس سپرا نے مقدمات کی سماعت کے دوران حکم دیا۔ پی ٹی آئی کے وکلا پر تھانہ رمنا میں دہشت گردی کی دفعات کے تحت مقدمہ درج ہے۔ عدالت نے نعیم حیدر پنجوتھا، فتح اللہ برکی، انصر کیانی اور علی اعجاز بٹر کے وارنٹ گرفتاری جاری کرتے ہوئے ان کے ضمانتی کو بھی نوٹس بھجوا دیا۔ عدالتی حکم کے مطابق متعلقہ وکلا کو گرفتار کر کے پیش کرنے کی ہدایت کی گئی ہے۔
ادھر بانی پی ٹی آئی عمران خان کے خلاف عدت میں نکاح کیس کی سماعت کے دوران خاور مانیکا پر مبینہ تشدد کا نیا پہلو بھی سامنے آیا ہے۔
تازہ ترین خبروں کے لیے پی این آئی کا فیس بک پیج فالو کریں
