لاہور میں ایک مذہبی جماعت کے زیرِ اہتمام غزہ مارچ کے دوران پولیس اور مظاہرین کے درمیان شدید جھڑپیں ہوئیں جن میں متعدد افراد، بشمول پولیس اہلکار، زخمی ہو گئے۔
یہ مارچ گزشتہ روز لاہور سے اسلام آباد کی جانب روانہ ہوا تھا، مگر لاہور ہی میں احتجاج کے دوران تصادم کے واقعات پیش آئے جنہوں نے شہر کی فضا کو کشیدہ کر دیا۔ اگرچہ اب لاہور میں معمولاتِ زندگی بحال ہو چکے ہیں اور ٹریفک رواں دواں ہے، تاہم اورنج لائن میٹرو گزشتہ تین روز سے بند پڑی ہے۔ ادھر راولپنڈی اور اسلام آباد میں بھی مذہبی جماعت کے احتجاج نے معمولات کو بری طرح متاثر کر رکھا ہے—کاروباری سرگرمیاں، تعلیمی ادارے اور مرکزی شاہراہیں بند ہیں، جب کہ انٹرنیٹ سروس کی معطلی نے شہریوں کی مشکلات میں مزید اضافہ کر دیا ہے۔
تازہ ترین خبروں کے لیے پی این آئی کا فیس بک پیج فالو کریں
