فیصل آباد سی سی ڈی نے گجرانوالہ میں چھ سال قبل ہونے والے ایک نوجوان کے قتل میں ملوث ملزم کو گرفتار کر لیا ہے۔
گرفتار ملزم زوہیب نے عدالت میں پیش ہو کر بیان دیا ہے کہ یہ قتل تحریک انصاف کے رکن قومی اسمبلی ڈاکٹر نثار احمد جٹ کے کہنے پر کیا گیا۔ عدالت میں دفعہ 164 کے تحت دیے گئے بیان میں زوہیب نے بتایا کہ ڈاکٹر نثار نے پہلے مقتول بلال چیمہ کی مخبری کے لیے اسے 25 ہزار روپے دیے، جس کے بعد وہ اپنے ساتھیوں کے ساتھ گجرانوالہ گیا اور بلال چیمہ کو قتل کر دیا۔ ملزم کے مطابق قتل کے بعد لاش کو گاڑی میں ڈال کر کمالیہ منتقل کیا گیا، جہاں ڈاکٹر نثار کے کہنے پر اسے نہر میں پھینک دیا گیا۔ اس کے بعد اسے مزید 50 ہزار روپے ادا کیے گئے۔ سی سی ڈی حکام کا کہنا ہے کہ ملزم نے 2019 میں ہونے والے قتل کا اعتراف کر لیا ہے اور اس کے بیان کی روشنی میں مزید تفتیش جاری ہے۔
تازہ ترین خبروں کے لیے پی این آئی کا فیس بک پیج فالو کریں
