راولپنڈی: عوامی مسلم لیگ کے سربراہ شیخ رشید احمد نے بھارت کے خلاف سخت لہجے میں کہا ہے کہ “بھارت کا دماغ خراب ہے، اسے ایک اور گولی کی ضرورت ہے۔”
اڈیالا جیل کے باہر میڈیا سے گفتگو کرتے ہوئے شیخ رشید نے خبردار کیا کہ اگر بھارت نے پاکستان کو میلی آنکھ سے دیکھا تو “نہ مندر کی گھنٹیاں بجیں گی، نہ چڑیا چہکیں گی، ایسی ڈوز دیں گے کہ وہ تاقیامت یاد رکھے گا۔” انہوں نے شکایت کی کہ پولیس نے پہلے انہیں داہگل ناکے پر آدھا گھنٹہ روکے رکھا اور اب جیل کے اندر جانے سے بھی روک دیا گیا۔ “کہا گیا ہے کہ آپ یہاں انتظار کریں، آج میری اڈیالا میں پیشی ہے مگر مجھے اندر نہیں جانے دیا گیا۔”
شیخ رشید نے مزید کہا کہ 9 مئی کے دن وہ پاکستان میں موجود نہیں تھے۔ “میں بیرونِ ملک تھا، واپس آیا تو میرا نام ملزمان کی فہرست میں شامل کرلیا گیا۔”
تازہ ترین خبروں کے لیے پی این آئی کا فیس بک پیج فالو کریں
