کراچی: سمندری طوفان “شکتی” کی شدت میں کمی واقع ہوگئی ہے اور یہ اب سائیکلونک اسٹورم کی شکل اختیار کرچکا ہے۔ محکمہ موسمیات کے مطابق طوفان اس وقت کراچی سے تقریباً 910 کلومیٹر جنوب مغرب میں موجود ہے۔
محکمے کا کہنا ہے کہ “شکتی” اگلے 24 گھنٹوں میں مزید کمزور ہو کر ڈپریشن میں تبدیل ہونے کا امکان ہے، تاہم سندھ اور بلوچستان کے ساحلی علاقوں میں آج ہلکی بارش متوقع ہے۔ محکمہ موسمیات نے خبردار کیا ہے کہ سمندری ہوائیں 70 سے 90 کلومیٹر فی گھنٹہ کی رفتار سے چل سکتی ہیں جبکہ طوفان کے مرکز کے قریب ہوا کی رفتار 100 کلومیٹر فی گھنٹہ تک پہنچ سکتی ہے۔
ماہی گیروں کو 7 اکتوبر تک گہرے سمندر میں نہ جانے کی ہدایت جاری کی گئی ہے کیونکہ آئندہ 24 گھنٹے تک سمندر کی صورتحال انتہائی خراب رہنے کا امکان ہے۔ ادھر سائیکلون وارنگ سینٹر کراچی طوفان کی صورتحال پر مسلسل نظر رکھے ہوئے ہے۔
تازہ ترین خبروں کے لیے پی این آئی کا فیس بک پیج فالو کریں
