اسلام آباد: پاکستان تحریک انصاف (پی ٹی آئی) کے چیئرمین بیرسٹر گوہر علی خان نے بطور وکیل پشاور ہائی کورٹ کے اُس فیصلے کو سپریم کورٹ میں چیلنج کر دیا ہے جس کے تحت عمر ایوب اور شبلی فراز کو ڈی سیٹ کیا گیا تھا۔
یاد رہے کہ پشاور ہائی کورٹ نے ابتدائی طور پر دونوں رہنماؤں کے ڈی سیٹ ہونے کے فیصلے پر حکمِ امتناع جاری کیا تھا، تاہم یکم اکتوبر کو عدالت نے یہ حکم امتناع ختم کرتے ہوئے سماعت ملتوی کر دی تھی۔ عدالت نے اپنے حکم میں عمر ایوب کو مجاز فورم کے سامنے سرنڈر کرنے کی ہدایت بھی کی تھی۔واضح رہے کہ عمر ایوب اور شبلی فراز دونوں نے اپنی سزاؤں کے خلاف متعلقہ عدالتوں میں اپیلیں دائر کر رکھی ہیں، جبکہ الیکشن کمیشن نے سزائیں برقرار رہنے پر دونوں رہنماؤں کو ڈی سیٹ کرنے کا نوٹیفکیشن جاری کیا تھا۔
تازہ ترین خبروں کے لیے پی این آئی کا فیس بک پیج فالو کریں
