پشاور: خیبرپختونخوا کابینہ نے 9 مئی کو مردان میں ہونے والی توڑ پھوڑ اور فائرنگ کے کیس کو واپس لینے کی منظوری دے دی۔
جیو نیوز کے مطابق، صوبائی حکومت نے پبلک پراسیکیوٹر کا تبادلہ کرتے ہوئے ایڈیشنل ایڈووکیٹ جنرل انعام اللہ کو اس کیس کے لیے اسپیشل پراسیکیوٹر مقرر کیا ہے۔ ایڈیشنل ایڈووکیٹ جنرل نے کیس واپس لینے سے متعلق ایڈیشنل ہوم سیکرٹری کا خط عدالت میں جمع کرادیا، جس کے بعد عدالت نے سماعت کے لیے 15 اکتوبر کی تاریخ مقرر کر دی ہے۔
واضح رہے کہ 9 مئی کو مردان میں پتھراؤ اور فائرنگ کے واقعات میں سیاسی کارکنوں، راہگیروں اور پولیس اہلکاروں سمیت متعدد افراد زخمی ہوئے تھے۔ اس کیس کے ملزمان میں ظاہر شاہ طورو، ایم این اے مجاہد خان اور دیگر شامل ہیں۔
تازہ ترین خبروں کے لیے پی این آئی کا فیس بک پیج فالو کریں
