اسلام آباد کی مقامی عدالت نے ریاست اور قومی سلامتی کے اداروں کے خلاف متنازع ٹویٹ کیس میں ایڈووکیٹ ایمان مزاری اور ان کے شوہر ایڈووکیٹ ہادی علی چٹھہ کے ناقابل ضمانت وارنٹ گرفتاری جاری کر دیے ہیں۔
ایڈیشنل ڈسٹرکٹ اینڈ سیشن جج محمد افضل مجوکہ نے یہ وارنٹ جاری کرتے ہوئے حکم دیا کہ دونوں ملزمان کو 24 ستمبر کو عدالت میں پیش کیا جائے۔
وارنٹ جاری ہونے کے فوری بعد ایمان مزاری اور ہادی علی چٹھہ کے وکلا کی جانب سے وارنٹ منسوخی کی درخواست بھی دائر کی گئی، تاہم عدالت نے یہ استدعا فی الحال مسترد کر دی۔
عدالت نے کیس کی مزید سماعت 24 ستمبر تک ملتوی کر دی ہے۔
تازہ ترین خبروں کے لیے پی این آئی کا فیس بک پیج فالو کریں
