انسداد دہشت گردی عدالت نے 9 مئی کے واقعے سے متعلق کیس کا فیصلہ سناتے ہوئے پی ٹی آئی رہنما ڈاکٹر یاسمین راشد، اعجاز چوہدری، محمود الرشید اور سرفراز چیمہ کو 10، 10 سال قید کی سزا سنادی ہے۔
یہ فیصلہ لاہور کی کوٹ لکھپت جیل میں انسداد دہشت گردی عدالت کے جج منظر علی گل نے سنایا۔ مقدمہ سپریم کورٹ کے جج کے اسکواڈ کی گاڑی کو جلانے کے واقعے سے متعلق تھا۔
عدالت نے اسی کیس میں سابق وزیر خارجہ شاہ محمود قریشی کو بری کردیا، جبکہ خدیجہ شاہ کو 5 سال قید کی سزا سنائی گئی ہے۔ روبینہ جمیل اور افشاں طارق کو مقدمے سے بری کر دیا گیا ہے۔
سرور روڈ تھانے میں درج مقدمہ نمبر 109/23 میں مجموعی طور پر 51 افراد کے خلاف چالان پیش کیا گیا تھا۔ عدالت نے ان میں سے 39 ملزمان کا ٹرائل مکمل کیا، جبکہ 12 افراد کو اشتہاری قرار دیا جا چکا ہے۔ مقدمے میں شامل ملزمان میں 5 خواتین بھی شامل تھیں۔
عدالت نے سیکیورٹی وجوہات کی بنا پر اس مقدمے کا ٹرائل جیل میں ہی مکمل کیا۔
تازہ ترین خبروں کے لیے پی این آئی کا فیس بک پیج فالو کریں
