اسلام آباد: وزارت صحت نے سیلاب کے بعد وبائی امراض کے پھیلنے کے خدشے پر ہنگامی ہیلتھ ایڈوائزری جاری کر دی ہے۔
ایڈوائزری میں خبردار کیا گیا ہے کہ سیلاب متاثرہ علاقوں میں ہیضہ، ٹائیفائیڈ اور اسہال جیسی بیماریاں تیزی سے پھیل سکتی ہیں۔ مزید کہا گیا ہے کہ ٹھہرا ہوا پانی ڈینگی، چکن گونیا اور ملیریا کے پھیلاؤ کا بڑا ذریعہ بن سکتا ہے۔ وزارت صحت نے شہریوں کو احتیاطی تدابیر اختیار کرنے کی ہدایت کی ہے تاکہ ان بیماریوں سے بچا جا سکے۔
دوسری جانب عالمی ادارہ صحت (WHO) نے بھی خبردار کیا ہے کہ پاکستان میں سیلاب کے بعد ڈینگی کے کیسز میں 41 فیصد اور ملیریا کے کیسز میں 26 فیصد اضافہ ہو چکا ہے۔ رپورٹ کے مطابق بلوچستان اور سندھ میں ہیضہ، جبکہ خیبر پختونخوا میں خارش، جلدی امراض اور سانپ و کتوں کے کاٹنے کے کیسز میں نمایاں اضافہ دیکھنے میں آیا ہے۔ عالمی ادارہ صحت نے خبردار کیا ہے کہ اگر فوری اقدامات نہ کیے گئے تو پاکستان کا صحت کا نظام وبائی امراض کے دباؤ کا شکار ہو سکتا ہے۔
تازہ ترین خبروں کے لیے پی این آئی کا فیس بک پیج فالو کریں
