یورپی یونین نے حالیہ سیلاب سے پیدا ہونے والے بحران کے پیشِ نظر پاکستان کے لیے تقریباً 35 کروڑ روپے کی ہنگامی امداد مختص کرنے کا اعلان کیا ہے۔
سماجی رابطے کی ویب سائٹ ایکس پر جاری بیان میں یورپی یونین نے کہا کہ تباہ کن سیلاب نے سیکڑوں قیمتی جانیں لے لی ہیں جبکہ متعدد افراد اب بھی لاپتہ ہیں۔ بیان کے مطابق یہ امداد قابلِ اعتماد شراکت دار تنظیموں کے ذریعے متاثرہ خاندانوں تک پہنچائی جائے گی، جس میں طبی امداد، پینے کے صاف پانی، صفائی اور بیماریوں کے پھیلاؤ کو روکنے کے لیے حفظانِ صحت کی سہولتیں شامل ہوں گی۔ مزید کہا گیا ہے کہ سیلاب سے سب سے زیادہ متاثرہ افراد کو ان کی بنیادی ضروریات پوری کرنے کے لیے نقد امداد بھی فراہم کی جائے گی۔
تازہ ترین خبروں کے لیے پی این آئی کا فیس بک پیج فالو کریں
