سیلاب کے بعد پشاور سمیت خیبرپختونخوا کے مختلف اضلاع میں آشوب چشم کی وبا پھیل گئی ہے۔
سیلابی پانی اور گندگی کی وجہ سے پشاور، مردان، چارسدہ اور صوابی کے ہسپتالوں میں آشوب چشم کے مریضوں کی تعداد میں اضافہ ہو رہا ہے۔ ڈاکٹروں کے مطابق آشوب چشم کی عام علامات میں آنکھوں میں لالی، پانی آنا اور جلن شامل ہیں۔ پشاور کے تین بڑے اسپتالوں کی او پی ڈیز میں روزانہ سینکڑوں مریض آشوب چشم کی شکایت لے کر آ رہے ہیں۔ ماہرین صحت نے شہریوں کو ہدایت کی ہے کہ متاثرہ افراد سے ہاتھ ملانے، تولیہ یا دیگر ذاتی اشیاء کے استعمال سے پرہیز کریں اور آنکھوں کو بار بار دھوئیں تاکہ مرض کے پھیلاؤ کو روکا جا سکے۔
تازہ ترین خبروں کے لیے پی این آئی کا فیس بک پیج فالو کریں
