لاہور: فلور ملز مالکان نے اعلان کیا ہے کہ معیاری گندم کی فراہمی تک لاہور کی فلور ملز آٹا سپلائی نہیں کریں گی۔ یہ فیصلہ لاہور میں ضلع کی فلور ملز مالکان کے اجلاس میں کیا گیا، جہاں گندم کی کوالٹی پر شدید تحفظات کا اظہار کیا گیا۔
اجلاس میں بتایا گیا کہ فلور ملز کو فراہم کی جانے والی گندم ناقص اور بدبودار ہے، جس کی وجہ سے آٹے کی کوالٹی متاثر ہو رہی ہے۔ مارکیٹ سے بھی شکایات موصول ہوئی ہیں کہ آٹا ڈیلر اور دوکاندار خراب کوالٹی کی وجہ سے مال واپس کر رہے ہیں۔
مالکان نے حکومت سے مطالبہ کیا ہے کہ فلور ملز کو معیاری گندم فراہم کی جائے تاکہ معیاری مصنوعات تیار کی جا سکیں۔
تازہ ترین خبروں کے لیے پی این آئی کا فیس بک پیج فالو کریں
