اسلام آباد، حکومت نے ایل این جی کنکشن کے خواہشمند صارفین کو واضح انتباہ جاری کردیا ہے۔
وفاقی وزیر پارلیمانی امور طارق فضل چوہدری نے کہا ہے کہ ایل این جی کنکشن حاصل کرنے والے صارفین یہ ذہن میں رکھیں کہ ریگیسفائیڈ ایل این جی (آر ایل این جی) کی قیمت سوئی گیس سے زیادہ ہوگی، اس لیے اُن کے بل بھی معمول سے زیادہ آسکتے ہیں۔ انہوں نے شہریوں پر زور دیا کہ وہ سردیوں میں ہیٹر اور گیزر کا استعمال احتیاط سے کریں تاکہ توانائی کا ضیاع نہ ہو۔
پارلیمانی سیکریٹری میاں خان بگٹی نے بتایا کہ حکومت نے آر ایل این جی کنکشن پر عائد پابندی ختم کردی ہے۔ اُن کے مطابق گیس کنکشن کے لیے اب تک ڈھائی لاکھ درخواستیں موصول ہو چکی ہیں، جن میں پہلی ترجیح اُن صارفین کو دی جائے گی جنہوں نے پہلے سے درخواستیں جمع کرائی ہیں۔
تازہ ترین خبروں کے لیے پی این آئی کا فیس بک پیج فالو کریں
