گھوٹکی: ماڑی انرجیز نے سندھ کے شہر ڈھرکی سے تیل اور گیس کے نئے ذخائر کی دریافت کا اعلان کردیا۔
کمپنی کے جاری کردہ اعلامیے کے مطابق یہ دریافت ماڑی غزیج سی ایف بی ون ایکسپلوریشن ویل سے ہوئی ہے۔ ماڑی انرجیز ماڑی ڈیولپمنٹ اینڈ پروڈکشن لیز کی 100 فیصد حقوق کے ساتھ آپریٹر ہے۔ اعلامیے میں بتایا گیا کہ ایف بی ون کنواں تیل سے بھرپور زونز کو ہدف بنا کر کھودا گیا، جہاں سے ٹیسٹنگ کے دوران یومیہ 305 بیرل تیل اور 30 لاکھ مکعب فٹ گیس حاصل ہوئی۔
ماڑی انرجیز کے مطابق کمپنی ڈھرکی ماڑی فیلڈ میں پاکستان کے سب سے بڑے گیس ذخیرے کو چلارہی ہے اور تقریباً 30 فیصد مارکیٹ شیئر کے ساتھ ملک کی سب سے بڑی گیس پیدا کرنے والی کمپنی ہے۔
تازہ ترین خبروں کے لیے پی این آئی کا فیس بک پیج فالو کریں
