ملک میں یکم اکتوبر سے پیٹرولیم مصنوعات کی قیمتوں میں ایک بار پھر اضافے کا امکان ظاہر کیا جا رہا ہے، آئل انڈسٹری نے اس حوالے سے اپنی ورکنگ مکمل کر لی ہے۔
ذرائع کے مطابق پیٹرول کی قیمت میں ایک روپیہ ستانوے پیسے، ہائی اسپیڈ ڈیزل میں دو روپے اڑتالیس پیسے، لائٹ ڈیزل آئل میں ایک روپیہ چھہتر پیسے اور مٹی کے تیل میں چار روپے پینسٹھ پیسے فی لیٹر تک اضافے کا امکان ہے۔ اوگرا قیمتوں کی حتمی ورکنگ پیٹرولیم ڈویژن کے ذریعے وزارت خزانہ کو ارسال کرے گا، جس کے بعد وزیر اعظم کی منظوری کے بعد کل وزارت خزانہ نئی قیمتوں کا باضابطہ اعلان کرے گی۔ یاد رہے کہ پندرہ روز قبل پیٹرول کی قیمت برقرار رکھی گئی تھی، جبکہ ہائی اسپیڈ ڈیزل کی قیمت میں دو روپے اٹھہتر پیسے فی لیٹر اضافہ کیا گیا تھا۔
تازہ ترین خبروں کے لیے پی این آئی کا فیس بک پیج فالو کریں
