اسلام آباد: اقتصادی امور ڈویژن کے مطابق عالمی بینک رواں مالی سال پاکستان کو مختلف ترقیاتی منصوبوں کے لیے 2 ارب ڈالر سے زائد قرض فراہم کرے گا۔ یہ قرض انٹرنیشنل ڈیولپمنٹ ایسوسی ایشن اور انٹرنیشنل بینک فار ری کنسٹرکشن کے ذریعے دیا جائے گا۔
دستاویز کے مطابق عالمی بینک کی فنڈنگ سے ملک بھر میں 57 منصوبوں پر کام جاری ہے جن کی مجموعی لاگت 16.6 ارب ڈالر ہے۔ ان منصوبوں میں زراعت، پانی، توانائی، فنانس، ریونیو، مواصلات، دیہی و شہری ترقی، ہیومین کیپٹل، سوشل سروسز اور گورننس کے شعبے شامل ہیں۔ اعداد و شمار کے مطابق گزشتہ سات برسوں میں عالمی بینک پاکستان کو 11 ارب 84 کروڑ ڈالر فراہم کر چکا ہے، جن میں سب سے زیادہ 1.96 ارب ڈالر توانائی کے شعبے کیلئے دیے گئے۔ گزشتہ مالی سال 2024-25ء میں بھی پاکستان کو 1 ارب 80 کروڑ ڈالر کا قرض دیا گیا تھا۔
مزید بتایا گیا ہے کہ آنے والے برسوں میں بھی مختلف منصوبوں کے لیے فنڈز کی فراہمی کا سلسلہ جاری رہے گا۔
تازہ ترین خبروں کے لیے پی این آئی کا فیس بک پیج فالو کریں
