fbpx
A Product of PNI Digital (SMC-Pvt) Limited

خواجہ آصف کی ضمانت منظور ہو گئی


لاہور(مانیٹرنگ ڈیسک )ہائیکورٹ نے آمدن سے زائد اثاثہ جات اور منی لانڈرنگ کیس میں مسلم لیگ کے رہنما خواجہ آصف کی ضمانت منظور کر لی ہے۔لاہورہائیکورٹ کے2 رکنی بینچ نےخواجہ آصف کو رہا کرنے کا حکم دیا۔ خواجہ آصف نے اثاثے بنانے کے الزام میں رہائی کیلئے عدالت سے رجوع کیا تھا۔انہیں دسمبر2020 میں گرفتار کیا گیا تھا۔ نیب نے عدالت کو بتایا کہ خواجہ آصف کو متعدد مواقع دیے گیے لیکن وہ مطمن نہیں کر سکے۔نیب کے مطابق خواجہ آصف کے پاس 2004 سے 2008 تک غیر ملکی اقامہ رہا، انہوں نے بطور کنسلٹنٹ لیگل ایڈوائزر کے 13 کروڑ 60 لاکھ روپے وصول کیے۔خواجہ آصف کو لی گئی تنخواہ سمیت دیگر تفصیلات جمع کروانے کی ہدایت کی گئی تھی،انہیں کمپنی کو دی گئی نوکری کی درخواست جمع کروانے کا کہا گیا تھا۔ ان کا کہنا تھا کہ نیب کی جانب سے خواجہ آصف کو اقامہ ایگریمنٹ بھی نیب کو جمع کروانے کا کہا گیا تاہم وہ دوران تفتیش مسلسل عدم تعاون کرتے رہے ہیں۔نیب کا الزام ہے کہ بینک کے چپڑاسی نے خواجہ آصف کے اکاؤنٹ میں اٹھائیس ملین سے زائد رقم جمع کرائی۔ مبینہ طور پر رہنما کے بھتیجے نے بھی20 ملین جمع کرائے اور خواجہ آصف کو2 ملازمین نے35 ملین روپے کی ٹرانزیکشنز کیں۔



اس وقت سب سے زیادہ پڑھی جانے والی خبریں