سرکاری نوکری کے خواہشمند امیدواروں کے لیے اہم خبر سامنے آئی ہے کہ خیبر پختونخوا حکومت نے سرکاری اداروں میں بھرتیوں کا طریقہ کار تبدیل کر دیا ہے۔
محکمہ لائیو اسٹاک، فشریز اور کوآپریٹو خیبر پختونخوا کے جاری اعلامیہ کے مطابق اب تمام جاری اور مستقبل کی بھرتیاں ای ٹی اے کے ذریعے کی جائیں گی، اور پہلے سے شروع بھرتیوں کو بھی دوبارہ ای ٹی اے کے ساتھ منسلک کرنے کی ہدایت دی گئی ہے۔
اعلامیہ میں کہا گیا ہے کہ ضرورت پڑنے پر ای ٹی اے کے بغیر بھرتیوں کے لیے سیکریٹری سے خصوصی اجازت لینی ہوگی۔ تمام دفاتر کو ملازمتوں کے اشتہارات، ٹیسٹ شیڈول اور نتائج کے لیے ای ٹی اے سے مکمل تعاون کرنے کی ہدایت دی گئی ہے، اور 7 روز کے اندر تفصیلی تعمیل رپورٹ جمع کروانے کا حکم دیا گیا ہے۔
تازہ ترین خبروں کے لیے پی این آئی کا فیس بک پیج فالو کریں
