ملک میں سونے کی قیمتوں میں مسلسل اتار چڑھاؤ جاری ہے۔ گزشتہ روز قیمت میں اضافہ دیکھنے کے بعد آج فی تولہ سونے کی قیمت میں واضح کمی ریکارڈ کی گئی۔
آل پاکستان صرافہ، جیمز اینڈ جیولری ایسوسی ایشن کے مطابق ایک ہزار 900 روپے کی کمی کے بعد فی تولہ سونا 4 لاکھ 41 ہزار 862 روپے پر آ گیا ہے۔ اسی طرح 10 گرام سونے کی قیمت 1,629 روپے کمی کے بعد 3 لاکھ 78 ہزار 825 روپے ہو گئی ہے۔ عالمی بازار میں بھی سونے کی قیمت میں کمی دیکھی گئی، جہاں فی اونس سونے کی قیمت 19 ڈالر کم ہو کر 4,195 ڈالر پر پہنچ گئی ہے۔
تازہ ترین خبروں کے لیے پی این آئی کا فیس بک پیج فالو کریں
