کراچی: ملکی صرافہ مارکیٹ میں سونے کی قیمت میں مسلسل اتار چڑھاؤ جاری ہے۔ بڑے اضافے کے بعد آج فی تولہ سونا نمایاں طور پر سستا ہو گیا۔
آل پاکستان جیولرز ایسوسی ایشن کے مطابق فی تولہ سونے کی قیمت میں 3 ہزار 300 روپے کی کمی ریکارڈ کی گئی، جس کے بعد نیا بھاؤ 4 لاکھ 39 ہزار 762 روپے ہوگیا ہے۔ اسی طرح 10 گرام سونے کی قیمت بھی 2 ہزار 829 روپے کم ہوکر 3 لاکھ 77 ہزار 25 روپے رہ گئی ہے۔ بین الاقوامی مارکیٹ میں بھی سونے کے بھاؤ میں کمی دیکھی گئی، جہاں قیمت 33 ڈالر کم ہوکر 4 ہزار 174 ڈالر فی اونس پر آگئی۔ واضح رہے کہ گزشتہ روز سونا 8 ہزار 300 روپے کے اضافے کے ساتھ 4 لاکھ 43 ہزار 62 روپے فی تولہ تک پہنچ گیا تھا۔
تازہ ترین خبروں کے لیے پی این آئی کا فیس بک پیج فالو کریں
